Bakıda yolu kəsən TIR sürücülərinin çalışdığı şirkət barədə istintaqa xeyli şikayət daxil olub. Bu haqda BakuPlus.az Report-a istinadən bugün, 21 fevral tarixində xəbər verir.
Şikayətlərə əsasən, R.Cəfərovun Belarus vətəndaşı Yuriy Qnoyanikə məxsus 37 min ABŞ dollarından çox dəyəri olan yükü ələ keçirdiyi, Anar İsgəndərov, Elman Əkbərov, İftixar Mehdiyev və Əlikram Məmmədov adlı vətəndaşlara məxsus ümumilikdə 68 min ABŞ dolları dəyərində mal və məhsulların daşınmasında onlara maddi ziyan vurduğu üzə çıxıb.
Anoloji qanunazid hərəkətləri ilə bağlı Alim Hüseynovun da şikayətçi olduğu məlum olub.
17 fevral tarixində "R Group Azerbaijan" şirkətinin sürücüləri Heydər Əliyev prospektində yolu bağlayaraq süni tıxac yaratmışdılar. Hadisə ilə bağlı R.Cəfərov, Mirələm Məmmədov, Bəxtiyar Məmmədov və Elvin Məlikov polis əməkdaşları tərəfindən saxlanılmışdırlar.
Məhkəmənin qərarı ilə R.Cəfərov barəsində 2 aylıq həbs qətimkan tədbiri qərarı çıxarılıb. Digər şəxslər isə 30 sutka həbs olunublar.
