Sentyabrın 30-da Bakı Hava Limanı Yunanıstanın “Aegean Airlines” aviaşirkətinin Afinadan Heydər Əliyev Beynəlxalq Aeroportuna müntəzəm reyslər yerinə yetirməyə başlayan ilk reysini qarşılayıb. Bu haqda bu gün, 30 sentyabr tarixində Bakuplus.az məlumat verir.
Heydər Əliyev Beynəlxalq Aeroportunun mətbuat xidmətindən verilən məlumata görə, Yunanıstan aviadaşıyıcısının təyyarəsi ənənəvi olaraq su tağı ilə qarşılanıb.
Afina və Bakı arasında uçuşlar həftədə iki dəfə: çərşənbə axşamı və şənbə günləri yerinə yetiriləcək. Reyslər gecə vaxtı həyata keçirilir.
“Aegean Airlines” sərnişinlərə Kipr, Balkanlar və Qərbi Avropa ölkələri ilə yanaşı, Krit, Santorini, Mikonos və digər məşhur Yunan adaları da daxil olmaqla 80-dən çox istiqamətə uçuşlar təklif edir.
Aviadaşıyıcının www.aegeanair.com rəsmi internet saytı vasitəsilə aviaşirkətin satış ofislərində ətraflı cədvəllə tanış olmaq və biletləri bron etmək mümkündür.
[caption id="attachment_115036" align="alignnone" width="640"]
Foto Report.az[/caption]
