Paytaxtın Nəsimi rayonu, Mirzəağa Əliyev küçəsində velosiped zolağı ilə hərəkət edən sürücü məsuliyyətə cəlb ediləcək. Bu haqda bu gün, 18 iyun tarixində Bakuplus.az Bakı Şəhər Dövlət Yol Polisi İdarəsinə (BŞDYPİ) istinadən məlumat verir.
BŞDYPİ-nin rəsmisi Toğrul Nəsirlinin sözlərinə görə, kobud şəkildə qaydaları pozan 01-BB-007 dövlət nömrə nişanlı "Toyota Camry" avtomobilinin sürücü müəyyən olunaraq cəriməlnəcək.
"Qeyd etmək istəyirəm ki, dəfələrlə edilən xəbərdarlıqlara baxmayaraq, yenə də bəzi sürücülər velosipedçilərin rahat və təhlükəsiz hərəkəti üçün nəzərdə tutulan zolaqlarda nəqliyyat vasitələrini park edərək və ya həmin zolaqlarla nəqliyyat vasitəsi ilə hərəkət edərək velosiped və skuter sürənlərin təhlükəsiz hərəkətinə ciddi maneə yaradırlar ki, bu da yolverilməzdir.
Sözügedən görüntüyə gəldikdə bildirmək istəyirəm ki, həmin sürücü aşkarlanaraq barəsində qanunamüvafiq tədbirlər həyata keçiriləcək.
Bir daha sürücülərdən xahişimiz ondan ibarətdir ki, qaydalara ciddi əməl etsinlər və bu cür hallara yol verməsinlər", – deyə Nəsirli əlavə edib.
[video width="1920" height="1080" mp4="https://bakuplus.az/storage/photos/2024/06/sequence-017.mp4"][/video]
