Paytaxtın Sabunçu rayonu, Zabrat qəsəbəsi, Oktyabr küçəsi, ev 37 ünvanında yeməklərin hazırlanması və çatdırılması müəssisəsində qayda pozuntuları aşkarlanıb. Bu haqda bu gün, 24 oktyabr tarixində Bakuplus.az Qida Təhlükəsizliyi Agentliyinə istinadən xəbər verir.
Keçirilən monitorinq zamanı “Reyhan Catering” MMC-yə məxsus müəssisədə soyuducularda saxlanılan məhsulların döşəmənin üzərində yığıldığı, onların hazırlandığı alətlərin qismən paslandığı, ərzaqların markalanmadığı, soyuq qəlyanaltılar və isti yeməklərin bir yerdə saxlanıldığı məlum olub.
Faktla bağlı müəssisənin fəaliyyəti dayandırılıb, rəhbərlik məsuliyyətə cəlb olunub.
