Daxili İşlər Nazirliyinin (DİN) İdman Cəmiyyətinin rəisi təqaüdə göndərilib. Bu haqda bu gün, 13 yanvar tarixində Bakuplus.az Daxili İşlər Nazirliyinin (DİN) mətbuat xidmətinə istinadən məlumat verir.
Nazir Vilayət Eyvazov xidmətdə olmanın son yaş həddi ilə bağlı polkovnik Zemfira Meftahətdinovanı qəbul edib. Yolasalma mərasimində onun dövlətçiliyə, peşə borcuna sədaqəti, insani keyfiyyətləri xüsusi vurğulanıb, həmçinin rəis kimi qüsursuz fəaliyyəti yüksək qiymətləndirilib.
Sonda nazir V. Eyvazov DİN-in Fəxri Fərmanını Z. Meftahətdinovaya təqdim edib.
Məlumata görə, o, fəaliyyətini Azərbaycan Atıcılıq Federasiyasında davam etdirəcək.
