Paytaxtın Yasamal rayonunda adı yanlış yazılmış küçə mövcuddur. Bu haqda bu gün, 22 aprel tarixində Bakuplus.az ARB-yə istinadən xəbər verir.
Belə ki, adıçəkilən rayonun ərazisində Mirzə Fətəli Axundov küçəsi “Mirzə Fətəli” kimi qeyd olunub. Bu ad bütün lövhələrdə, kommunal çeklərdə, sakinlərin şəxsiyyət vəsiqələrində qeyd olunub. Yalnız nadir hallarda ev çıxarışında və digər sənədlərdə “Mirzə Fətəli Axundov” adı yazılıb.
Sakinlər bildirirlər ki, onlar 50 ildir burada yaşayırlar və özləri həmişə Mirzə Fətəli Axundov küçəsində yaşadıqlarını deyirlər, ancaq əksər sənədlərdə ad düzgün qeyd olunmayıb.
Küçələrə adları əvvəllər Əmlak Məsələləri Dövlət Xidməti qoyurdu. Ancaq indi bu işə Bakı şəhər İcra Hakimiyyəti baxır. Birinci qurum məsələnin onlara aidiyyəti olmadığını bildirib. İcra Hakimiyyətindən isə küçənin adının “Mirzə Fətəli Axundov” olduğunu və lövhələrin yaxın zamanda dəyişəcəyini bildiriblər.
[caption id="attachment_98111" align="alignnone" width="640"]
Foto ARB24-ün rəsmi Youtube kanalı[/caption]
