QOÇ bürcü
Qoçlar, hazırlaşın: bu həftə çoxdandır qurduğunuz planı həyata gerçəkləşdirə biləcəksiniz. Həftənin ikinci yarısında sizi xoş xəbərlər gözləyir: ən əsası, bəzi xırda şeylərlə öz əhvalınızı korlamayın. Münasibətdə olanlar, səbirli olmalısınız: sevgiliniz sizi boş şeylər üstündə qısqanacaq və bütün kefinizə soğan doğrayacaq. Ola bilsin, belə toksik münasibətdən bezib sevgiyə “son deyəcəksiniz”. Uğurlu günləriniz 31 iyul, 2 avqust, uğursuz gününüz isə 5 avqustdur.
BUĞA bürcü
Nəhayət, sizi narahat edən mühüm məsələni həll edə biləcəksiniz: siz o qədər uzun müddət bu mövzunun ətrafında gəzirsiniz ki, artıq bu məsələyə son qoymaq vaxtıdır. Sizcə, həyat tərzinizi dəyişməyin vaxtı deyilmi? Həyatdan əlinizi üzmüş kimisiniz, lakin bu həftə hər şey dəyişəcək: qara buludlar çəkiləcək, həyatınıza günəş saçacaq. Heç vaxt cəsarət etmədiyiniz bir şeyi etməyə çalışın: nəticə sizi müsbət mənada təəccübləndirəcək. Uğurlu günləriniz 1, 5 avqust, uğursuz gününüz isə 31 iyuldır.
ƏKİZLƏR bürcü
Əkizlər, sosiallaşmaq, zənglərə və mesajlara cavab vermək vaxtıdır: bu gedişlə ən yaxın dostlarınızı itirəcəksiniz, çünki onlara sizə kömək etmək şansı vermirsiniz. Ümumiyyətlə, sizdən xoşu gələn, münasibətə girmək istəyən bir çox insan var, lakin ürəyinizi onlara açmağa cəsarət etmirsiniz. Ola bilsin ki, işdə qalacaqsınız və daha çox çalışacaqsınız, amma gözlənilməz maliyyə gəliri xoş təsəlli olacaq. Həftənin ikinci yarısı cansıxıcı olmayacaq: hadisələr inanılmaz sürətlə cərəyan edəcək. Uğurlu günləriniz 3, 5 avqust, uğursuz gününüz isə 6 avqustdur.
XƏRÇƏNG bürcü
Xərçəng üçün ulduzlar uzun müddət çalışdıqları və çox vaxt nəticəsiz olduqları işlərdə uğur və irəliləyiş vəd edir. Şəxsi münasibətlərdə problemlər yarana bilər: sevdiyiniz insana həddindən artıq iddialar ailə bağlarını zəiflədə bilər. Rəqiblərlə mübarizə aparacaqsınız, dedi-qodu və şayiələrlə əhatə olunacaqsınız. Öz gücünüzü yeni sahələrdə sınamaq imkanı əldə edəcəksiniz: tənbəl olmasanız, böyük gəlir əldə edəcəksiniz. Uğurlu günləriniz 31 iyul, 6 avqust, uğursuz gününüz isə 2 avqustdur.
ŞİR bürcü
Bu həftə maliyyə məsələlərinin həlli üçün əlverişli zamandır: bəxt sizin tərəfinizdə olacaq, bir az da risk edə bilərsiniz. Amma borc götürmək fikriniz olsa, bilin ki, qaytarmaq çətin olacaq və vəziyyətiniz daha da pisləşəcək. Həftənin ikinci yarısında hər şey planlaşdırdığınız kimi getməyə bilər, ancaq bazar günü uğur sizin üzünüzə güləcək. Bu dövr soyumuş münasibətlərin canlanmasına çalışmalısınız: uzatsanız, sevdiyiniz insanı birdəfəlik itirəcəksiniz. Uğurlu günləriniz 1, 2 avqust, uğursuz gününüz isə 3 avqustdur.
QIZ bürcü
Bu həftə bəxt sizi taqib edəcək, ən əsas da yeni işə düzəlmək istəyənləri. Sevdiyiniz və ya bəyəndiyiniz bir insan varsa, mütləq ona ürəyinizi açın və ya evlənmək təklifi edin: siz “yox” cavabı almayacaqsınız. Qız bürcün subay nümayəndələri, diqqətli olun: həyatınıza fırtına daxil olacaq. Qarşınıza dəlisov biri çıxacaq: həyatınıza maraq qatacaq o insan sizin həyat yoldaşınız olacaq. İşlə bağlı planlarınızı heç kimə deməyin: rəqiblər yatmır, biznesiniz təhlükə altında ola bilər. Uğurlu günləriniz 3, 4 avqust, uğursuz gününüz isə 1 avqustdur.
TƏRƏZİ bürcü
Həftənin əvvəli sizin üçün uğursuz ola bilər, ona görə də istər işgüzar, istərsə də şəxsi danışıqları təxirə salın. İndi sizin üçün daha yaxşı olar ki, rəhbərliyin gözünə düşməyəsiniz: ya sizi işlə yükləyəcəklər, ya da nə vaxtsa buraxdığınız səhviniz yada düşəcək və buna görə danlanacaqsınız. Sağlamlığınıza zərər verən vərdişlərdən uzaq dursanız, yaxşı olar: gələcəkdə fəsadları çox ağır ola bilər. Uğurlu günləriniz 5, 6 avqust, uğursuz gününüz isə 3 avqustdur.
ƏQRƏB bürcü
Bu həftə məsuliyyət tələb edən işləri öz üzərinizə götürməyin: əlinizi nəyə atsanız, alınmayacaq. Uğursuz günlər çərşənbəyə kimi davam edəcək, lakin sonrakı günlər çox uğurlu və parlaq keçəcək. Sizi gözü götürməyənlərin sayı dostlarınızdan çoxdur: üzünüzə gülürlər, “can qardaş, bacı” deyirlər, amma arxanızca işlər çevirirlər. Subay qızlar, bəxtiniz açılır: tale sizin qarşınıza yaraşıqlı, ağıllı-kamallı, idmançı, yaxşı işi olan, əsas da bacıları olmayan birini çıxaracaq. Qızlar, hamı sizə bəxtəvərlik oxuyacaq, paxılların ürəyi partlayacaq. Uğurlu günləriniz 3, 6 avqust, uğursuz gününüz isə 1 avqustdur.
OXATAN bürcü
Evdə qalıb, qızıla dönən qızlar, qapınızda elçiləri gözləyin: axır ki, ər çörəyi yeməyin nə olduğunu biləcəksiniz. Zarafat bir yana, amma sizi qarşıda xoşbəxt günlər gözləyir. Subay oğlanlar isə diqqətli olmalıdırlar: qızların gözəlliyinə aldanmayın, bu həftə onlar mehribanlıq edib ciblərinizi boşaldacaqlar. Həftənin sonunda karyera yüksəlişi ilə bağlı və ya maaşınızın artımı ilə bağlı xəbər ala bilərsiniz. Yayın dadını hələ də çıxara bilməyənlər avqust ayında səyahətə çıxacaqlar və orada gələcəyə təsir edəcək yeni tanışlıqlar əldə edəcəklər. Uğurlu günləriniz 31 iyul, 3 avqust, uğursuz gününüz isə 5 avqustdur.
OĞLAQ bürcü
Bu bürcün nümayəndələri, elə bil ki, işləmək, karyera qurmaq və çoxlu pul qazanmaq üçün yaranıblar. Amma şəxsi həyata gəlincə onların vaxtı olmur: Stop! Yetər artıq. Bu həftə siz mütləq bir nəfərlə tanış olmalısınız: ürəyinizin qapısını açın. Əks halda yaş üstünə yaş gələcək və sonda qocalıb tənha qalacaqsınız. Həftəsonu gəlirli iş təklifi ala bilərsiniz: təklif, hətta xaricdən ola bilər. Dostlarınızdan xoş xəbər gözləyin: bəlkə də xaricə səyahət etdiniz. Uğurlu günləriniz 31 iyul, 6 avqust, uğursuz gününüz isə 2 avqustdur.
DOLÇA bürcü
Bu həftə şəxsi həyatınızda yarana biləcək çətinliklər işinizə təsir edəcək. İş yerində eşqbazlıq etməyin və ya münasibətlər qurmayın, çünki bu, gözlədiyiniz nəticəni verməyəcək. Heç bir and və söz verməyin, çünki, demək olar ki, heç bir şeyi yerinə yetirə bilməyəcəksiniz. Məkrli niyyətin qurbanı olmamaq üçün tanımadığınız insanlarla ehtiyatlı olmaq lazımdır: pulunuzu qoruyun. Həftəsonu xoş hadisələr baş tutacaq: həyatınız əhəmiyyətli dərəcədə dəyişəcək. Uğurlu günləriniz 3, 5 avqust, uğursuz gününüz isə 1 avqustdur.
BALIQLAR bürcü
İndi həyatınızı alt-üst edəcək möhtəşəm hadisələrin baş verməsi ehtimalı azdır, amma müsbət irəliləyişlər olacaq. Xüsusilə ünsiyyət və razılaşmalarla bağlı məsələlərdə uğur qazana bilərsiniz. Borclarınız varsa, tez qaytarmağa çalışın, əks halda başınız problemlərə qarışacaq. Bu həftə sevdiyiniz insanla dava etməkdən, münasibətlərə aydınlıq gətirməkdən çəkinin: bu, xoş hadisələrlə sonlanmayacaq. Uğurlu günləriniz 4, 5 avqust, uğursuz gününüz isə 6 avqustdur.
