Bir neçə gün öncə Bakının Binəqədi rayonu, 7-ci mikrorayon, Süleyman Sani Axundov küçəsində olan yaşıllıqların kəsilməsi barədə məlumat daxil olub. Hazırda həmin ərazidə artıq tikinti işlərinə başlanılıb. Bununla bağlı bu gün, 25 dekabr tarixində Bakuplus.az “Bakı Gündəliyi” Facebook səhifəsinə istinadən məlumat verir.
Sakinlərin sözlərinə görə, nə inşaat işləri, nə də ağacların aqibəti ilə bağlı heç bir açıqlama verilməyib. Ərazidə tikintiyə aid müvafiq lövhə də quraşdırılmayıb.
“Bu yaşıllıq sahəsi adıçəkilən küçədə tikinti obyektləri olmayan son ərazi idi. Uzun müddət metal torla hasara alınan həmin ağaclıq yer baxımsız qalmışdı. İndi isə kəsilən ağacların yerində texnikalar işləyir”, – deyə izləyici yazıb.
[URIS id=124381]
