Nəsimi rayonunda Vətən müharibəsi şəhidi Elvin Babayevin barelyefinin açılışı olub. Bu haqda 7 oktyabr tarixində Nəsimi Rayon İcra Hakimiyyəti məlumat verib.
Barelyefin açılışı Leytenant K.Kərimov adına 8 nömrəli tam orta məktəbdə baş tutub. Şəhid Elvin Babayev həmin məktəbin məzunu olub. Tədbirdə Nəsimi Rayon İcra Hakimiyyətinin başçısı Asif Əsgərov, rayon ərazisində fəaliyyət göstərən idarə, təşkilatların rəhbərləri və şəhidin ailə üzvləri iştirak ediblər.
Barelyefin açılışından sonra şəhidin təhsil aldığı sinfə baxış keçirilib və məktəbin akt zalında şəhidlərin əziz xatirəsi bir dəqiqəlik sükutla yad edilərək Azərbaycanın dövlət himni səsləndirilib. Daha sonra tədbir iştirakçılarına məktəblilərin ifasında şəhidin xatirəsinə həsr olunmuş kompozisiyalar təqdim olunub.
[caption id="attachment_73743" align="alignnone" width="640"]
Foto Nəsimi rayon İcra Hakimiyyətinin rəsmi saytı[/caption]
