Azərbaycan Dövlət Neft və Sənaye Universitetinin rəhbərliyi dəyişib. Bu haqda bu gün, 13 iyul tarixində Bakuplus.az təhsil ocağına istinadən xəbər verir.
Azərbaycan-Fransız Universitetinin (UFAZ) icraçı direktoru, dosent, 45 yaşlı Vazeh Əskərova ADNSU-nun rektor vəzifəsi həvalə olunub. Bu haqda Elm və Təhsil Nazirliyində qərar verilib.
V.Əskərov Azərbaycan Dillər Universitetində bakalavr, Fransanın Marc Bloch Universitetində 2 magistr, Strasburq Universitetində doktorluq təhsili alıb. O, Fransadakı Azərbaycanlı Tələbələr Assosiyasının (ASEAF/FATA) sədri, həmin ildə Strasburq Azərbaycan Evinin həmtəsisçisi və idarə heyətinin üzvü olub.
Həmçinin Azərbaycan Dillər Universitetinin rektor müşaviri, eləcə də həmin universitetin tədris işləri üzrə prorektoru, daha sonra UFAZ-ın icraçı direktoru vəzifələrində çalışıb. Ailəlidir, iki övladı var.
