Bakıda 10 yeni metro stansiyasının tikiləcəyi ərazilərin müəyyənləşdiriməsi prosesi tamamlanmaq üzrədir.
Bunu teleqraf.az-a Bakı Metropoliteninin İctimaiyyətlə əlaqələr şöbəsinin rəisi Bəxtiyar Məmmədov bildirib.
Onun sözlərinə görə, layihə üzrə son tamamlama işləri aparılır.
Qeyd edək ki, 2030-cu ilə qədər icrası nəzərdə tutulan layihəyə əsasən, stansiyalardan 6-sı “Bənövşəyi”, 4-ü isə “Yaşıl” xəttin üzərində yerləşəcək. Yeni stansiyalar Bakı-Sumqayıt-Xırdalan və digər istiqamətlərdən gələn sərnişinlərin şəhər mərkəzinə daha rahat çatmasına imkan yaradacaq.
Yeni şəbəkə "Nizami", "Sahil" və "Xətai" stansiyalarında digər xətlərlə keçidi təmin etməklə sərnişin axınını xeyli optimallaşdıracaq.
"Ağ Şəhər” və NZS qəsəbəsində tikiləcək stansiyalar xətlərin ayrılmasını tamamlamaq və intervalı azaltmaq üçün böyük rol oynayacaq. Nəticədə bu xətdə də intervallar azaldılacaq. “Nizami” və “Sahil” stansiyalarında “Yaşıl” və “Qırmızı” xətlərlə keçidlər yaradılacaq.
