Məşhur azərbaycanlı alpinist İsrafil Aşurlı dünyanın doqquzuncu zirvəsini - Nanqa Parbatı (8125 m) fəth etməkdən imtina edib və pakistanlı alpinist Asif Bhattinin həyatını xilas etməyə çalışır. Bu haqda jurnalist və alpinist Anjela Benavaydes ötən axşam, 5 iyul tarixində öz Twitter hesabında məlumat yayıb.
“Nanqa Parbatda artıq qaranlıq idi, lakin İsrafil Aşurlının və yaralı pakistanlı alpinist Asif Bhattinin harada olmaları hələ də təsdiqlənməyib. Onlar düşərgə 3-dən 2-ci düşərgəyə enməyə cəhd etməyi planlaşdırırdılar, lakin Bhattinin vəziyyəti kimi hava da çox pisdir.
Əlavə kömək yoldadır: Fəzal Əli və Məhəmməd Yunus baza düşərgəsindən yola düşdülər. Fəzal Əli 2-ci düşərgədədir, onları gözləyir, Yunus isə artıq 2-ci düşərgənin üstündədir, onlara tərəf gedir.
Həmçinin hava şəraiti imkan verərsə, iyunun 26-da Nanqa Parbatı fəth etmiş Sajid Sadpara və Huqo Ayaviri sabah baza düşərgəsinə uçacaqlar. Onlar dağa dırmaşmağa və xilasetmədə kömək etməyə hazırdırlar.
Nanqa Parbat baza düşərgəsi helikopterlərin bu hündürlükdə uça biləcəyi qədər aşağıdır, lakin şərait qeyri-sabitdir.
Rusiyalı alpinist Sergey Kofanov bildirib ki, İsrafil Aşurlı həyatını xilas etmək üçün iyulun 3-də 4-cü düşərgədə olarkən qalxmağı dayandırıb. O, zirvəyə çıxmasını iyulun 3-də planlaşdırmışdı, lakin 4-cü düşərgəyə çatanda köməyə ehtiyacı olan iki alpinistlə rastlaşdı. Kofanov bildirib ki, alpinistlərdən biri polşalı Pavel Kopetsdir, çox pis vəziyyətdə idi. O, sözün əsl mənasında İsrafilin qucağında öldü.
Digər alpinist Asif Bhatti görmə qabiliyyətini itirdi. İsrafil onu sürüyərək 3-cü düşərgəyə apardı, hər ikisi də pis hava səbəbindən düşərgədə ilişiblər. Maraqlıdır ki, italyan alpinistlər Asif Bhattini xilas etməyə kömək edə bilərdilər, lakin onlar özləri baza düşərgəsinə enməyə qərar verdilər.
İsrafil Aşurlı qəhrəmandır. O, bu prosesdə öz həyatını riskə ataraq Asifi tərk etməyib. Bir müddətdən sonra Aşurlıdan xəbər gəldi ki, onlar ən təhlükəli hissədən enişlərini başa vurublar. Onlara kömək etmək üçün iki pakistanlı alpinist gəlib. Sonradan məlum oldu ki, onlar 2-ci düşərgəyə çatıblar. Bundan sonra onlardan heç bir xəbər yoxdur”, – Anjela Benavaydes bildirib.
We know a bit more about what happened on Nanga Parbat's Camp 4 on July 3rd, and about the help coming to assist Asif Bhatti and the amazing Israfil Ashurli:https://t.co/k1hIS5pKNr
— Angela Benavides (@Angelab8848) July 5, 2023
