Bakıda, İçərişəhərdə yerləşən ARTIM sərgi məkanında YARAT Müasir İncəsənət Məktəbi tələbələrinin üçüncü yekun buraxılış sərgisi keçiriləcək. Bu haqda bu gün, 14 aprel tarixində Bakuplus.az məlumat verir.
"Dərman arardım dərdimə" sərgisi 20 apreldən 4 mayadək davam edəcək. Sərginin açılışı 20 aprel saat 20:00-da baş tutacaq.
Sərginin kuratoru Bəxtiyar Əliyev, layihə meneceri isə Fidan Hüseynovadır. Orada Səma Abdalova, Ayten Abdullayeva, Aygün Baxşiyeva, Dilarə Əli-zadə, Zaur Qəhrəmanov, Ceyran Mir-Qasım, Nərmin Nəsibova, Lenay Seidəli-zadə və Murad Vəliyevin əsərləri nümayiş olunacaq.
Sərgi insanın öz mənəvi böhranından məlhəm axtarışı, onun özünü tapmaq, kamillik qazanmaq cəhdidir.
