Bakıdakı attraksionlar təhlükəlidirmi? Bu haqda bu gün, 28 iyun tarixində Bakuplus.az ARB-yə istinadən xəbər verir.
Attraksionların vaxtında yoxlanılmaması və texniki baxışın olmaması faciəyə gətirib çıxara bilər. Paytaxtın bir sıra parklarında attraksionlarda lazımi yoxlamalar aparılırmı?
Əyləncə qurğularından ən çox istifadə edən azyaşlıların sözlərinə görə, attraksionlar təhlükəlidir. Onlar kəmərlərin olmadığını, tutacaqların zəif olduqlarını bildirirlər.
Ekspertlər vurğulayırlar ki, hər gün istifadə olunan attraksionlar hər dəfə istifadədən öncə yoxlanılmalıdır.
“Attraksionu çalışdıran, onların yerləşdiyi məkan sahibləri belə bu qurğuları ciddi nəzarətdə saxlamalıdırlar”, - deyə ekspertlər əlavə ediblər.
FHN-dən attraksionları ildə 1 dəfə yoxladıqlarını bildiriblər. Pozuntuların aradan qaldırılması üçün sahibkara 15-30 gün vaxt verilir.
