Bakı avtovağzalı gücləndirilmiş iş rejimində işləyəcək. Bu haqda bu gün, 24 iyun tarixində Bakuplus.az Avtovağzal Kompleksinə istinadən xəbər verir.
24 iyun - 2 iyul tarixləri arasında Bakı Beynəlxalq Avtovağzal Kompleksi sərnişin axınına uyğun olaraq xətlərə avtobus buraxacaq. Beləliklə, bayram günlərində 100-dən artıq əlavə avtobusun xətlərə buraxılması nəzərdə tutulub. Həmçinin kassaların və onlayn portalların stabil işləməsi üçün bütün tədbirlər görülüb.
Vətəndaşlar biletləri avtovağzalların gündəlik və əvvəlcədən satış kassalarından, həmçinin biletim.az portalından onlayn qaydada əldə edə bilərlər.
