Aprelin 21-də Azərbaycanda Ramazan bayramı qeyd olunacaq. Bu barədə bu gün, 17 aprel tarixində APA Qafqaz Müsəlmanları İdarəsinin (QMİ) sədr müavini Fuad Nurullayevə istinadən məlumat verib.
Bəzi məscidlərdə bayram namazı saat 08:00, bəzilərində isə saat 09:00-da qılınacaq.
Aprelin 20-si axşam bayram axşamı hesab olunur.
Fuad Nurullayev qeyd edib ki, aprelin 19-da Ramazan bayramı ilə əlaqədar Qafqaz Müsəlmanları İdarəsinin Qazılar Şurasının fətvası da yayımlanacaq.
Azərbaycanda Ramazan ayı martın 23-də başlayıb. Aprelin 9, 11, 13 və 17-si Qədr gecələri idi.
Ramazan bayramı Azərbaycanda aprelin 21 və 22-də qeyd olunacaq. Azərbaycanda bayramla əlaqədar 4 gün - aprelin 21, 22, 23 və 24-ü qeyri-iş günü olacaq.
