Aprelin 21-i saat 22:00-dan aprelin 22-si saat 10:00-a qədər qaz kartlarına yükləmə mümkün olmayacaq. Bu haqda bu gün, 20 aprel tarixində Bakuplus.az “Azəriqaz”a istinadən məlumat verir.
Məhdudlaşdırmalar serverlərdə texniki-profilaktiki işlərlə əlaqədar tətbiq olunur. Verilən məlumata görə, “Azəriqaz”ın ödəniş sistemləri işləməyəcək və 104/185 qısa yığım nömrələrinə zənglər qəbul olunmayacaq.
21 aprelədək balansında kifayət qədər kubmetr qaz olmayan abonentlər mütləq qaydada smart-kartlarına yükləmə etməlidirlər. Vətəndaşlar Çağrı Mərkəzinin 077 3 104 104 WhatsApp nömrəsi və azeriqaz.az saytının onlayn çat bölümü vasitəsilə müraciətlərini ünvanlaya bilərlər.
