Bakının 2 şagirdi Amerikanın nüfuzlu Massaçusets Texnologiya İnstitutuna qəbul olublar. Bu haqda bu gün, 15 mart tarixində Bakuplus.az sosial şəbəkələrə istinadən xəbər verir.
Fizika, riyaziyyat və informatika təmayüllü liseyin 11-ci sinif şagirdi Fidan Qarayeva və Türkiyə Dəyanət Vəqfi Bakı türk liseyinin 11-ci sinif şagirdi Dəniz Səttarlı məşhur universitetdə təqaüdlə təhsil almaq şansı qazanıblar.
“Massaçusets Texnologiya İnstitutuna daxil olmaq üçün bizi yaşıdlarımızdan fərqləndirən özəlliklərə sahib olmalıydıq. Startaplar, olimpiadalar və sair seçimlər var idi. Mən olimpiadaları seçdim. Artıq 3 ildir ki, kimya fənni üzrə müxtəlif miqyaslı, respublika, beynəlxalq səviyyəli olimpiadalarda iştirak edirəm”, - deyə Dəniz Səttarlı qeyd edib.
Fidan Qarayeva isə təhsil aldığı müddətdə işləyəcəyini, qazandığı təcrübəni ölkəsi üçün faydalı olacaq işləri görməyə sərf edəcəyini vurğulayıb.
[URIS id=94251]
