Məhkəmə qərarı ilə 2003-cü il təvəllüdlü V.Cəfərli barəsində 30 gün müddətinə inzibati həbs tənbeh tədbiri tətbiq edilib.
11:23 - Bakı bulvarında nadir dekorativ kaktuslara zərər verən şəxs saxlanılıb
Bakı bulvarında 2011-ci ildə əkilmiş kaktuslar vandalizmin qurbanı olmaqda davam edir. Dünəndən sosial şəbəkələrdə daha bir bitkilərə zərərvermə faktının görüntüləri geniş müzakirə olunur. Bitkilərə zərər verən şəxs saxlanılıb. Bu haqda bu gün, 13 iyun tarixində Bakuplus.az məlumat verir.
Geniş yayılmış videoda gənc oğlan bıçaqla bu kaktuslardan birinin üzərində hansısa yazını cızır. Səsinə görə videonu çəkən şəxs yaşlı kişidir və çox güman ki, turistdir. O, bir xahişlə oğlana müraciət edərək, bu bitkilərə təəssüfləndiyini və bu hərəkətin yolverilməz olduğunu vurğuladı. Kişinin dediyi söz gəncə heç bir təsir göstərmədi.
Daxili İşlər Nazirliyinin (DİN) mətbuat xidmətindən bildirilir ki, kaktusların kəsilməsi, yandırılması ilə bağlı yayılan görüntülər araşdırılıb. Əməli törədən şəxs – Varis Etibar oğlu Cəfərli polis əməkdaşları tərəfindən müəyyən olunaraq saxlanılıb.
Araşdırma davam etdirilir.
