Bakıda geyim mağazasında satılan paltarların qiyməti müzakirələrə səbəb olub. Bu haqda bu gün, 8 avqust tarixində Bakuplus.az Xəzər Xəbər-ə istinadən məlumat verir.
Bakıdakı mağazaların birində Türkiyədən 199,99 lirəyə, yəni təxminən 12 manata alınan pencəyinin 120 manata satışa çıxarıldığı bildirilib. Mağazaya daxil olan müştərilərdən biri bunu lentə alaraq ictimailəşdirib.
Mağaza işçisi Qalina Brızqunova bildirib ki, deyilənlər həqiqətə uyğun deyil. 120 manatlıq satış qiymətinə təkcə pencək yox, şalvar da daxildir. Yəni şəkli çəkdirən şəxs pencəyin qiymətini ancaq türk lirəsi ilə götürüb və ictimailəşdirib. Üstəlik, bu paltar 5 il əvvəl alınıb. O zaman türk lirəsi indikindən qat-qat baha idi.
Marketoloq Elxan Mərdanlı 200 türk lirəsinə alınan paltarları indiki məzənnə ilə 120 manata satmağı düzgün hesab etmir. Üstəlik, alıcılar belə hallarda diqqətli olmalıdırlar. Ekspertin sözlərinə görə, istehsal şirkətləri, xüsusən də tekstil sənayesi məhsulları topdansatış qiymətindən maksimum 3 dəfə baha satmağı tövsiyə edir.
Həmçinin bildirilib ki, bu kimi hallarda narazı müştərilər Antiinhisar Nəzarəti və İstehlak Bazarına Nəzarət Dövlət Xidmətinə də müraciət edə bilərlər.
