Bakıdakı əksər doqquzmərtəbəli binalarda köhnə liftlər fəaliyyətdədir. Bu haqda bu gün, 4 iyul tarixində Bakuplus.az AzTV-yə istinadən xəbər verir.
Belə ki, əksər bu kimi liftlər istismar müddətini başa vurub. Bu səbəbdən də tez-tez xarab olur, sakinlər üçün təhlükə yaradır. Sakinlərin sözlərinə görə, onlar hər həftə liftləri təmir etdirməyə məcbur olurlar. Bu da əlavə xərc və vaxt sərfiyyatıdır.
Bakı Lift Təmir İstehsalat Birliyinin direktoru Xalid Ələkbərov 2300-ə yaxın liftin yenilənməli olduğunu qeyd edib.
“30-35 il işləyən liftlər var ki, biz daim onları nəzarətdə saxlayırıq, xidmət göstərilir. Gələn mərhələlərdə bu liftlər yenilənəcək”, - deyə o əlavə edib.
Yeni alınan liftlərə xidmət göstərilməsi üçün mərkəzi dispetçer xidməti sistemi də qurulub.
Yeni liftlər istismara verildikcə bu məntəqəyə qoşulur. Problem yarandığı halda sakinlər dərhal dispetçerlə əlaqə yarada bilirlər.
