Paytaxt ərazisində ümumşəhər iməciliyi keçirilir. Bu haqda bu gün, 22 İyul tarixində Bakuplus.az Azertag.az-a istinadən xəbər verir.
İyulun 22-də Bakıda abadlıq-təmizlik işləri ilə bağlı növbəti ümumşəhər təmizlik işləri aparılıb. Şəhərin prospekt və küçələrində səkilər və işıq dirəkləri, bir sıra binaların fasadları, eləcə də park və istirahət ərazilərindəki oturacaqlar yuyulub.
Bakı Şəhər Yaşıllaşdırma Təsərrüfatı Birliyinin əməkdaşları əsas magistral yol və prospektlərin kənarlarındakı ağacların dibini yumşaldıb, həmişəyaşıl ağacları yuyublar.
İməcilikdə həm də prospekt və küçələr boyunca yerləşən ictimai iaşə, ticarət və digər obyektlərin vitrinləri, köşklər və avtobus dayanacaqları yuyulub. Təmizlik işlərində obyektlərin əməkdaşları da fəallıq göstəriblər.
[URIS id=107201]
