Bakıda bəzi müntəzəm marşrut xətlərinin hərəkət sxemi müvəqqəti olaraq dəyişdiriləcək. Bu haqda BakuPlus.az Bakı Nəqliyyat Agentliyinə istinadən 18 fevral tarixində xəbər verir.
19.02.2022-ci il tarixində saat 09:00-dan 21:00-dək 7A, 7B, 67, 199 və 211 nömrəli müntəzəm marşrutların hərəkət sxemləri müvəqqəti olaraq dəyişdiriləcək.
Məhdudiyyət Ə.Salamzadə küçəsinin yan yolunda təmir işlərinin aparılması ilə əlaqədar həyata keçiriləcək.
Sözügedən marşrut xətləri üzrə avtobusların hərəkət sxemləri Ziya Bünyadov prospekti istiqamətində dəyişdirilərək Tbilisi prospekti və Alı Mustafayev (3-cü mkr bazarı) küçəsindən keçməklə təşkil ediləcək və daha sonra öz hərəkət sxemləri üzrə fəaliyyət göstərəcək.
Daha öncə, həmin küçələrin bağlanacağı barədə məlumat vermişdik.
