Bakıda bank sahəsi ilə bağlı ödənişsiz seminar keçiriləcək. Bu haqda bu gün, 15 aprel tarixində Bakuplus.az xəbər verir.
"Bank işi və bankda karyera" mövzusunda keçirilən seminarı risklərin idarə edilməsi üzrə mütəxəssis Rəna Gözəlova aparacaq.
Rəna Gözəlova Azərbaycan Dövlət İqtisad Universitetinin Mühasibat Uçotu və Audit üzrə bakalavr, daha sonra isə magistr səviyyələrində təhsil alıb. Hazırda "Eastern Mediterranean University"də Maliyyə üzrə doktorantura səviyyəsində öz təhsilini davam etdirir. O, "Azərbaycan Dəmir Yolları” QSC Risklərin idarə olunması şöbəsində baş menecer kimi fəaliyyət göstərməklə yanaşı, “Azərbaycan Bank Tədris Mərkəzi"ndə təlimçi ekspertdir.
Tədbir 15 aprel saat 16:00-da Məhəmməd Naxçıvani, 10 ünvanında, “KFC”-nin Statistika filialının yanı, “Coders” yazılan binanın 3-cü mərtəbəsində baş tutacaq. Öncədən qeydiyyatdan keçmək vacibdir.
