Bakının 3-cü mikrorayonunda dairəvi yolda yerləşən körpünün səthində boşluq yaranıb. Bu haqda bu gün, 19 noyabr tarixində Bakuplus.az Xəbər Xəzər-ə istinadən məlumat verir.
Verilən məlumata görə, mövcud vəziyyət kifayət qədər uzun müddətdir ki, müşahidə olunur. Sürücülərin sözlərinə görə, körpü yararsız vəziyyətdədir və oradan keçən nəqliyyat vasitələri real təhlükə ilə üz-üzədir. Bu isə vətəndaşlarda ciddi narahatlıq yaradır.
Bu məsələyə Avtomobil Yolları Dövlət Agentliyinin mətbuat katibi Anar Nəcəfli aydınlıq gətirib: “Bu körpünün heç bir problemi yoxdur. Sürücülər bundan təhlükəsiz istifadə edə bilərlər”.
[caption id="attachment_79741" align="alignnone" width="640"]
Foto Xəzər Xəbərin rəsmi Youtube kanalı[/caption]
