Bakıda qrafikə uyğun olaraq hər il aprelin 1-dən başlayaraq parklar və digər məkanlarda fəvvarələr işə salınır. Bu müddət noyabrın 15-nə kimi davam edəcək. Bu haqda bu gün, 26 aprel tarixində Bakuplus.az Space TV-yə istinadən məlumat verir.
Sakinlər deyirlər ki, istirahət zamanı fəvvarələrin işləməsi həm görüntü, həm də sərinlik baxımından vacibdir. Lakin fəvvarələr günün isti vaxtı deyil, məhz sərin saatlarda - səhər və axşam işə salınır. Bu da narazılıq yaradır.
Fəvvarələrin istismarı idarəsinin rəisi Qəhrəman Məmmədov deyir ki, fəvvarələrin müəyyənləşdirilmiş iş qrafiki var. Fəvvarələr səhər 8:00-dan 10:00-a kimi, axşam saat 17:00-dan saat 22:00-a qədər işləyir. Lakin yayın isti aylarında qrafikə əlavələr ediləcək - iyunun 1-dən günorta da fəvvarələri işlək görmək mümkün olacaq.
Yay aylarında fəvvarələr əlavə olaraq günorta vaxtlarında da, günorta saat 1-dən 3-ə qədər də işləyəcək.
