Bakıda dünyanın ən nüfuzlu idman yarışlarından biri - “Formula 1” Azərbaycan Qran-prisi zamanı Azərbaycan Avtomobil Federasiyasının (AAF) təşkilatçılığı ilə müxtəlif tədbirlər nəzərdə tutulub. Bu haqda bu gün, 27 aprel tarixində Qafqazinfo məlumat verib.
Aprelin 28-30-da klassik avtomobillərin sərgisi təşkil olunacaq. “Formula 1”-in fan zonasında keçiriləcək sərgidə müxtəlif illərə aid klassik avtomobillər nümayiş etdiriləcək.
Aprelin 29-da yeniyetmələr arasında Bakı Kartinq Turniri keçiriləcək. Turnirdə 10-16 yaş arasında 12 pilot iki mərhələdə - kvalifikasiya və final mərhələlərində bacarığını sınayacaq. Finalda qalib gələnlər müxtəlif hədiyyə və sertifikatlarla mükafatlandırılacaqlar.
Aprelin 30-da “Formula 1”-in yarış halqasında klassik avtomobillərin yürüşü təşkil olunacaq. Yürüşdə 30-a yaxın klassik avtomobil iştirak edəcək.
