Dəfələrlə işgəncə və fiziki zorakılığa məruz qalan hamilə qadın övladını itirib. Bu haqda bu gün, 22 aprel tarixində Bizim.Media “Təmiz Dünya” Qadınlara Yardım İctimai Birliyinin rəhbəri Mehriban Zeynalovaya istinadən məlumat verib.
Hazırda gənc qadın sığınacağa yerləşdirilib.
20 yaşında keçmiş məhkumla ailə quran xanım mütəmadi olaraq işgəncəyə məruz qalıb. Qız ərindən qaçmaq istəsə də, əri onu hədə-qorxu yolu ilə geri qaytarıb. Bir müddət sonra qadın hamilə olduğunu öyrənib. Qız hamiləlik dövründə ərinin ona əl qaldırmayacağına ümid etsə də, döyülmələr davam edib. Sonuncu dəfə o, ağır vəziyyətdə xəstəxanaya yerləşdirilib və uşağının bətnində öldüyünü bilib.
Qadın polisə müraciət edib. Hazırda xanıma psixoloji dəstək göstərilir.
Hadisə ilə bağlı aidiyyəti qurumlar xəbərdar edilib və məsələ nəzarətə götürülüb.
