Bakı-Qazax yolunda mişardaşı ilə dolu yük avtomobillərinin sürücüləri magistralda yarışa çıxıblar. Bu haqda bu gün, 26 aprel tarixində Bakuplus.az ATV-yə istinadən məlumat verir.
Mişardaşları ilə dolu 2 maşının sürücüləri yolda bir-birinə güzəştə getmək istəyiblər. Nəticədə onlar həm özləri, həm digər nəqliyyat vasitələri üçün təhlükə yaradıblar.
Dövlət Yol Polisi artıq idarə etdiyi nəqliyyat vasitəsinin məsuliyyətini unudub özlərini yarış meydançasında hiss edən sürücülərin kimliyini müəyyən edib.
“Həmin sürücülər barəsində qanunamüvafiq olaraq sənədləşmə işləri aparılacaq. Bir daha bütün sürücülərin, xüsusilə də yük avtomobilləri idarə edən sürücülərin diqqətinə çatdırırıq ki, belə kobud qayda pozuntuları ilə özlərinə və digər hərəkət iştirakçılarının həyat və sağlamlığına biganə yanaşmasınlar, yol hərəkəti qaydalarına, xüsusilə də yüklərin daşınması zamanı müvafiq normativ tələblərə ciddi riayət etsinlər”, - deyə BDYPİ-nin baş inspektoru Toğrul Nəsirli bildirib.
