Nəsimi rayonunda növbəti iməcilik baş tutub.
Bakuplus.az rayon İcra Hakimiyyətinə (RİH) istinadən xəbər verir ki, tədbirdə rayonun kommunal xidmətləri tərəfindən təmizlik işləri aparılıb. Parklarda, rayonun prospekt və küçələrində, yollarda, dayanacaqlarda bordürlər, işıq dirəkləri, yol kənarındakı məhəccərlər, məişət tullantıları konteynerlərinin ətrafı yuyulub, sanitar-təmizlik işləri görülüb.
Eyni zamanda ənənəvi olaraq ticarət obyektlərinin vitrinləri də yuyulub, ümumi sanitar-təmizlik işləri aparılıb.
Sözügedən işlər BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası – COP29 tədbirinin Azərbaycanda keçirilməsi ilə əlaqədardır.
