Oktyabrın 4-də Bakıda jurnalistlər üçün Azərbaycan Respublikasının Medianın İnkişafı Agentliyinin (MEDİA) inzibati binasında təhlükəli bölgələrdə fəaliyyət, mina partlayışlarından xilas olma və ilkin tibbi yardım mövzularında treninqlərin keçirilməsinə başlanılıb. Bu barədə AZƏRTAC xəbər verib.
MEDİA-nın təşəbbüsü ilə “Lazarus Training” təşkilatı tərəfindən həyata keçirilən təlimlər oktyabrın 8-dək davam edəcək.
İngilis dilində təşkil olunan təlimlərə müxtəlif media subyektlərinin 40-dək nümayəndəsi qatılıb.
Hər birində 20 nəfərin olduğu iki qrupda keçirilən treninqdə jurnalistlər üçün Azərbaycan dilində sinxron tərcümə imkanı yaradılıb.
İngiltərədə yerləşən “Lazarus Training” təşkilatı müxtəlif qurumlar və şirkətlər üçün ilkin tibbi yardım və tibbi təhsil üzrə təlimlərin keçirilməsi sahəsində ixtisaslaşıb.
