Bakıda 30 noyabr - 1 dekabr tarixlərində “InMerge İnnovasiya Sammiti” baş tutacaq. Bu haqda bu gün, 11 avqust tarixində Bakuplus.az məlumat verir.
Təbdir “Trendyol Qrupu”nun dəstəyi ilə “PAŞA Holdinq” tərəfindən təşkil edilir. Sammitin əsas spikerləri və panel icraçıları kimi “Apple”in ixtiraçı həmtəsisçisi Stiv Voznyak, “Trendyol Group”un prezidenti Çağlayan Çetin, Azərbaycan Respublikasının İqtisadiyyat Naziri Mikayıl Cabbarov, İnnovasiya və Rəqəmsal İnkişaf Agentliyinin sədri vəzifəsini icra edən İnara Vəliyeva, “PAŞA Holdinq”in baş direktoru Calal Qasımov, Azərbaycan Respublikasının Rəqəmsal İnkişaf və Nəqliyyat Naziri Rəşad Nəbiyev çıxış edəcəklər.
Sözügedən tədbir Bakı Konqres Mərkəzində baş tutacaq. Biletlər artıq satışdadır.
“InMerge İnnovasiya Sammiti”nin məqsədi innovatorları, aparıcı texnologiya şirkətlərini və liderləri, startapları və korporativ innovasiyalara həvəsi olan investorları Bakıda bir araya gətirməkdir. Öz sahələrində transformasiyaya başlamaq, innovasiya ekosisteminə inteqrasiya etmək və strateji əlaqə vasitəsilə özünü təkmilləşdirməyə kömək etmək istəyən hər kəs sammitə dəvət olunur.
