Mayın 11-də Almaniyanın Azərbaycandakı səfirinin iqamətgahında “Kekalove Adaptive” layihəsi tərəfindən əlil modellərin iştirakı ilə moda nümayişi təşkil ediləcək. Bu haqda bu gün, 29 aprel tarixində Bakuplus.az məlumat verir.
Bu moda nümayişi “Kekalove Adaptive” startapı, Almaniya və Fransanın Azərbaycandakı səfirliklərinin dəstəyi, eləcə də Sağlam Autizm Mərkəzinin əməkdaşlığı ilə təşkil olunur. Moda nümayişi əlilliyi olan insanlar üçün uyğunlaşdırılmış geyim kolleksiyasının ölkəmizdə sayca 6-cı təqdimatıdır.
Tədbirin keçirilməsində məqsəd əlilliyi olan insanların ehtiyaclarını nəzərə alan xüsusi geyimləri və adaptiv geyimləri nümayiş etdirməkdir. Kolleksiyanın müəllifi Azərbaycanda adaptiv geyimlərin ilk peşəkar dizayneri Rəşidə Əliyevadır.
Tədbir qapalı şəkildə keçiriləcək. Dəvət almaq istəyənlər “Kekalove Adaptive” ianə kampaniyasını dəstəkləməyə dəvət olunurlar.
“Kekalove Adaptive” 2019-cu ildən fəaliyyət göstərir. Bu, Azərbaycanda ən uğurlu sosial layihə hesab olunur.
[video width="1280" height="720" mp4="https://bakuplus.az/storage/photos/2023/04/336648845_890877152211436_6306780284161378594_n.mp4"][/video]
