Paytaxtın Xətai rayonunun Mirzə Davud küçəsində palçıqdan qorunmaq üçün yola xalça səriblər. Bu haqda bu gün, 15 fevral tarixində Bakuplus.az Oxu.az-a istinadən xəbər verir.
3000-4000 nəfər sakinin yaşadığı ərazidə uzun müddətdir yolsuzluq problemi mövcuddur. Məsələnin dəfələrlə işıqlandırılmasına və sakinlərin şikayətlərinə baxmayaraq, problemi həll edən yoxdur.
Buna görə də insanlar kələ-kötür küçədən keçmək üçün müxtəlif yollara əl atırlar. Belə ki, bu dəfə onlar yola xalça atıblar. Çox kömək olmasa da, bu üsulla yolun bir hissəsini “hamarlaşdırmağa” çalışıblar.
Daha öncə, sakinlər əraziyə kartonlar ataraq üzərindən keçirdilər.
