Paytaxtın bəzi küçələri var ki, avtodayanacağın olmasına baxmayaraq, sürücülər öz avtomobillərini piyadalar üçün müəyyən olunan səkilərdə saxlayırlar. Bu da digər hərəkət iştirakçılarına maneə yaradır. Bu haqda bu gün, 1 aprel tarixində Bakuplus.az Space TV-yə istinadən məlumat verir.
Piyadalar onlar üçün nəzərdə tutulan səkilərdən istifadə edə bilmədiyinə görə yolun hərəkət hissəsi ilə gedirlər ki, bu da onlar üçün təhlükəlidir.
Sürücülər deyirlər ki, piyadalar qədər onlar də əziyyət çəkirlər. Onların sözlərinə görə, avtodayanacaq baha olduğundan, səkilərdə saxlamağa məcbur olurlar.
Ekspert Ərşad Hüseynov bildirir ki, səkilərin tutulması səbəbindən piyadaları yolun hərəkət hissəsinə çıxmağa məcbur etmək qadağandır: “Səkilərin zəbt olunması, piyadalara maneə yaranması halları aşkarlananda həmin cərimələr tədbiq edilməlidir. Düzdür, nəqliyyat vasitələrinin səkilərdə parklanmasına görə cəmi 20 manat cərimə nəzərdə tutulur, amma 20 manat cərimə ilə bərabər, həmin nəqliyyat vasitələri, həm də evakuasiya olunmalıdır ki, piyadanın yolu açılsın”.
Bakı Şəhər Dövlət Yol Polisi İdarəsinin əməkdaşı Toğrul Nəsirli qeyd edib ki, bu kimi qayda pozan sürücülər hüquqi qaydada inzibati məsuliyyətə cəlb olunacaqlar. Sürücülər bilməlidilər ki, səkilər parklanma yeri deyil.
