Hazırda regionlarda pomidorun qiyməti 1 kilqoram üçün 18-20 qəpik təşkil edir. 1 yeşik pomidoru 5-7 AZN-ə almaq mümkündür. Bu haqda bu gün, 22 avqust tarixində Bakuplus.az ATV-yə istinadən xəbər verir.
“Mənə sərf eləmir. 90 manata gübrə almışam, bunun yeşiyini, 40 kiloqramını 5 manata satıram. 50 sot pomidor əkmişəm mən, hələ bunun mayasını belə götürməmişəm”, - deyə fermerlər şikayət edirlər.
Bakı bazarlarında isə pomidorun 1 kiloqram üçün qiyməti 1,5 AZN-dən 4 AZN-ə qədər dəyişir.
Ekspertlərin sözlərinə görə, qiymət fərqinin bu qədər böyük olmasının səbəbi logistika problemindədir.
“Məhsul var, tələb də var. Bazara gələ bilmirsə, burada ciddi logistika probleminin olduğunu demək olar. Qiymət fərqini aradan qaldırmaq üçün istehsalçıların bazara giriş imkanları genişləndirilməlidir, eyni zamanda səyyar satış prosesi asanlaşdırılmalıdır”, - deyə onlar əlavə ediblər.
