Küləkli havada qurumuş ağacların aşmasının dəfələrlə şahidi olsalar da, Bakı sakinləri təhlükə saçan ağacı kəsməyə cəhd etmirlər. Bu haqda bu gün, 22 aprel tarixində Bakuplus.az Space Xəbər-ə istinadən məlumat verir.
Ağacın budaqları evlərin damına uzanıb, qurumuş ağacın budağı sınıq halda havada qalıb. Hazırda paytaxtın müxtəlif ərazilərində hər an aşa biləcək ağaclar var. Paytaxtda küləkli günlərin sayının çox olduğunu nəzərə alsaq, belə ağaclar üçün vaxtında tədbir görülməlidir.
Sakinlər deyirlər ki, belə ağacları kəsmək istəsələr də, icazə verilmir. Əks halda cərimə oluna bilirlər. Çünki hər hansı ağacın ərazidən götürülməsi üçün xüsusi prosedur qaydaları mövcuddur.
Qaydalara görə, qurumuş, aşma təhlükəsi olan ağacların ərazidən götürülməsi üçün vətəndaş ərazi üzrə bələdiyyəyə üz tutmalıdır. Bu qurum da öz növbəsində Ekologiya və Təbii Sərvətlər Nazirliyinə rəy verilməsi üçün müraciət edir. Son işi isə yaşıllaşdırma təsərrüfatı birliyi həyata keçirir.
Yaşıllaşdırma təsərrüfatı birliyinin baş mühəndisi Cavanşır Məmmədov deyir ki, ETSN-in müvafiq strukturu tərəfindən həmin ünvana baxış keçirilir və həmin qəzalı vəziyyətdə olan ağacın götürülməsi, budanması, yaxud yerinin dəyişdirilməsi haqqında müvafiq rəy verilir. Həmin rəy əsasında yaşıllaşdırma təsərrüfatı birliyi rəydə nə göstəriş verilibsə, həmin formada da rəyi yerinə yetirir.
Özəlləşdirilmiş ərazilərdə və yaxud fərdi yaşayış evlərinin həyətyanı sahələrindəki ağacları vətəndaşların özləri kəsə bilərlər. Yaxud müəyyən ödəniş əsasında şəxsi həyətindəki ağacı yaşıllaşdırma təsərrüfatı birliyinə müraciət edərək kəsdirə bilərlər.
[caption id="attachment_98148" align="alignnone" width="640"]
Foto Space Tv-nin rəsmi Youtube kanalı[/caption]
