Bakıda sürücü avtomobilinin qanunsuz olaraq cərimə meydançasına aparıldığını iddia edir. Bu haqda bu gün, 3 may tarixində Bakuplus.az Oxu.az-a istinadən xəbər verir.
İmişli rayon sakini bildirir ki, onun avtomobilini rəngi dəyişdirildiyi bəhanəsi ilə meydançaya aparıblar, halbuki avtomobilin rəngi texniki pasportda yazıldığı kimidir.
Sürücü iddia edir ki, avtomobili 2019-cu ildən bu vəziyyətdə sürüb və heç bir problem yaranmayıb, indi də polis əməkdaşları ona heç bir əsas göstərə bilməyiblər.
Məsələ ilə bağlı Baş Dövlət Yol Polisi İdarəsindən bildirilib ki, nəqliyyat vasitəsinin duracağa aparılmasının əsas səbəbi sürücünün 2 aydan artıq ödənilməyən cərimə borclarının olmasıdır.
Avtomobilin rənginə gəldikdə isə pasporta əsasən, nəqliyyat vasitəsinin yalnız damı qara ola bilər, lakin sürücü qapı dirəklərini də qanunsuz olaraq qara rəngə boyayıb.
