Paytaxtın Nərimanov rayonu, Gülarə Qədirbəyova, 63a ünvanında yerləşən dövlət mülkünə ziyan vurulub. Bu haqda bu gün, 12 noyabr tarixində Bakuplus.az-a məlumat daxil olub.
Sakinlərin sözlərinə görə, piyada səkisində parklanmanın qarşısını almaq üçün Bakı Nəqliyyat Agentliyi (BNA) “Sharden” restoranının qarşısında xüsusi tumbalar quraşdırmışdır. Ancaq adıçəkilən obyekt sahibləri tumbaları sökərək kustar üsulla səkinin böyük hissəsində parklanma sahəsi yaradıblar.
Yerli sakinlər bu vəziyyətdən narahat olduqlarını və piyadaların hərəkətində çətinlik yarandığını bildirirlər.
Daha öncə də Bakuplus.az sözügedən problemi işıqlandırmışdır. Həmin vaxt BNA məsələni həll edəcəyini qeyd etmişdir.
[URIS id=78735]
