Bakıda tarixi bina sökülürmü? - rəsmi qurum açıqlama verib - YENİLƏNİB

Məsələ ilə bağlı Mədəni İrsin Qorunması, İnkişafı və Bərpası üzrə Dövlət Xidməti açıqlama verib. Bu haqda bu gün, 13 iyul tarixində Bakuplus.az APA-ya istinadən məlumat verir.

"Nəsimi rayonu, Ceyhun Hacıbəyli küçəsi, 11 ünvanında yerləşən 3146 inventar nömrəli memarlıq abidəsinin söküləcəyi ilə bağlı sosial şəbəkələrdə tirajlanan məlumatlar həqiqəti əks etdirmir.

Eyni zamanda həmin tarixi abidədə yaşayan sakinlər də binanın sökülməsi ilə bağlı onlara hər hansı məlumatın verilmədiyini bildiriblər", - məlumatda deyilir.

16:02 - Bakıda tarixi bina sökülür
Bakının mərkəzində, Salatın Əsgərova küçəsi və Bül-Bül prospektinin kəsişməsində yerləşən tarixi bina sökülür. Bu haqda bu gün, 13 iyul tarixində Bakuplus.az memar Əbdül Hüseynova istinadən məlumat verir.

Memarın sözlərinə görə, 1899-cu ildə İsa bəy Hacınski tərəfindən inşa olunan ikimərtəbəli yaşayış binası yerli əhəmiyyətli memarlıq abidəsidir.

Ə.Hüseynov deyib ki, son vaxtlar memarlıq abidələrinin dağıdılması üçün bir sıra addımlar atılır:

1. Mülkiyyətçilərdən mənzillərin alınması;


2. Binanın qəsdən qəzalı vəziyyətə gətirilməsi;


3. Yeni mülkiyyətçinin öz hesabına müraciəti, binanın qəzalı vəziyyətinə dair rəy almaq;


4. Dövlət strukturlarında binanın qəzalı vəziyyətə düşməsi haqqında aktın alınması, ictimai dinləmələrin keçirilməməsi, bu zaman peşəkar ictimaiyyətin rəyinin nəzərə alınmaması;


5. Mənfi rəy əsasında qərarın qəbul edilməsi və strukturun dövlət tərəfindən mühafizə olunan obyektlər siyahısından çıxarılması;


6. Bina sökülür, torpaq sahəsi tam mülkiyyətçinin ixtiyarındadır.