Avqustun 1-4-də Bakıda Özbəkistanın mədəniyyət günləri keçiriləcək. Bu haqda bu gün, 31 iyul tarixində Bakuplus.az Mədəniyyət Nazirliyinə istinadən məlumat verir.
Özbəkistan Mədəniyyət Nazirliyinin təşkilatçılığı ilə bu ölkənin tanınmış mədəniyyət xadimlərinin iştirakı ilə keçiriləcək mədəniyyət günləri çərçivəsində konsert, teatr tamaşaları, kitab sərgisi və digər tədbirlər nəzərdə tutulub.
Dörd gün davam edəcək mədəniyyət günlərində Azərbaycan tamaşaçıları qarşısında Özbəkistanın Xalq artistləri Fərrux Zakirov, Nəsibə Abdullayeva, Haşimjon İsmaylov, Zulayxo Boyxanova, Gulsanam Mamazoitova, Jenisbek Piyazov, Samandar Alimov və başqaları azərbaycanlı sənətsevərlərin qarşısında çıxış edəcəklər.
