Bakıdakı zeytun ağaclarının müalicəsinə başlanılıb. Bu haqda bu gün, 18 iyul tarixində Bakuplus.az Bakı şəhər İcra Hakimiyyətinə istinadən xəbər verir.
İsraildən dəvət edilən bitkiçilik üzrə mütəxəssis, aqronom Qabriel Eliazz hazırda paytaxt ərazisində yerli mütəxəssislərlə birlikdə paytaxtın müxtəlif ərazilərində mövcud zeytun ağaclarının vəziyyətini araşdırır.
“Ağaclara gübrə verilir, onlara xüsusi kimyəvi tərkibli dərmanlar olan ampulalarla inyeksiya edilir və quruyan budaqları budanır. Yoluxan ağacların budaqlarının və quruyan yarpaqların budanması digər ağaclara yayılmasının qarşısının alınması məqsədilə edilir”, - deyə mütəxəssis bildirir.
Hazırda şəhərin bütün ərazisində zeytun ağaclarının vəziyyətinin araşdırılması aparılır.
