Bakı küçələrində təlim maşınları təhlükə saçır. Bu haqda bu gün, 6 may tarixində Bakuplus.az Space News-a istinadən xəbər verir.
Belə ki, paytaxt küçələrində üzərində “Təlim” yazılmış çox maşın görmək olar. Sürücülərin sözlərinə görə, bu kimi maşınlar yollarda daimi təhlükə yaradır. Təlimçilər yeni sürücüləri birbaşa şəhərə buraxırlar. Bu isə onsuz da sıxlıq olan yollarda daha da çox problem yaradır.
“Şəhərin içində görürəm ki, təlimçi özü əli ilə sükanı döndərir. Görürəm ki bir-birini başa düşmürlər”, - deyə sürücülər bildirilirlər.
Mütəxəssislər bildirirlər ki, öncə nəzəri dərslər keçirilir, daha sonra azı 5 dərs qapalı meydançada sürücülük öyrədilir. Daha sonra şəhərə çıxmaq məqbul sayılır.
Bundan əlavə, təlimçilərin də xüsusi icazələri olmalıdır. Belə ki, təlimi verən şəxs təlim keçdiyi kateqoriya üzrə minimum 5 il staja, yaxud təlimi öyrətmə haqqında müvafiq sənədə malik olmalıdır.
