Bakı Mühəndislik Universitetinin tələbələri “TeknoFest”də finala yüksəliblər. Bu haqda bu gün, 19 aprel tarixində Bakuplus.az Qafqazinfo-ya istinadən xəbər verir.
Paytaxt universitetinin 5 nəfərdən ibarət olan “RED X” komandası Türkiyədə keçiriləcək “Teknofest-2023” Aerokosmik və Texnologiya Festivalının final mərhələsinə vəsiqə qazanıb. Onlar özlərinin hazırladıqları “PUA - Pilotsuz Uçuş Aparatı” layihəsini 27 aprel - 1 may tarixləri arası təqdim edəcəklər.
Belə ki, sözügedən PUA hərbi məqsədli tibbi ləvazimat daşıya bilən, kuryer vəzifəsini yerinə yetirə və bənzər yerlərdə əlverişliyini göstərə bilən sabit qanadlı, sadə və erqonomikdir.
Həmin gənclər Bakıda keçirilən “Teknofest Azərbaycan” festivalında Robotexnika kateqoriyası üzrə 1-ci yeri tutmuşdular. Həmçinin Türkiyənin Samsun şəhərində keçirilmiş Aerokosmik və texnologiya festivalında da iştirak etmişdilər.
