Bakı metrosunda əlil arabalarının daşınması üçün qurğular quraşdırılacaq. Bu haqda bu gün, 24 fevral tarixində Bakuplus.az qurumun mətbuat katibinə istinadən xəbər verir.
Bəxtiyar Hacıyevin sözlərində görə, hazırda Rusiyanın Sankt-Peterburq şəhərindən sınaq üçün qurğular sifariş olunub.
“Biz, həmçinin İtaliya, Almaniya və Çin istehsalı olan müvafiq avadanlıqlarla maraqlanmışıq. Əlil arabalarının ölçüləri fərqlidir deyə sınaqlara ehtiyac var və bu sınaqlar uğurla yekunlaşsa, həmin qurğunun digər stansiyalarda da tətbiq edilməsi mümkündür”, - deyə o əlavə edib.
Hazırda Bakı metrosundan istifadə etmək istəyən əlil arabası istifadəçiləri minimum 1 saat öncə qurumun saytından bildiriş göndərməlidirlər. Nəticədə vətəndaş metroya yaxınlaşdıqda xüsusi ayrılmış əməkdaşlar onu metroya düşürürlər.
