Bakının iki rayonunun bəzi ərazilərində qaz kəsiləcək. Bu haqda bu gün, 19 avqust tarixində Bakuplus.az "Azəriqaz" İstehsalat Birliyinə istinadən xəbər verir.
Suraxanı rayonu, Əmircan qəsəbəsi, Park küçəsi 32 ünvanında qaz xəttinin yerinin dəyişdirilməsi, Binəqədi rayonu, 2-ci Mədən, korpus 98 ünvanında "Təmiz Qaz" QSC tərəfindən yeraltı qaz xəttində aşkar olunmuş qaz sızmasının ləğv olunması məqsədi ilə 19.08.2024-cü il tarixində saat 10:00-dan etibarən qaz təchizatının dayandırılması planlaşdırılır.
Qaz təchizatı dayandırılan müddətdə Suraxanı rayonu üzrə Malik Mustafayev, Park, Səttar Bəhlulzadə küçələrinin, Binəqədi rayonu üzrə isə 1-ci, 2-ci və 3-cü Mədən adlanan ərazilərin qaz təchizatında müvəqqəti fasilə yaranacaq.
