Bakının əsas küçələrindən birinin adı səhv yazılıb. Bu haqda bu gün, 5 yanvar tarixində Bakuplus.az ATV-yə istinadən xəbər verir.
Paytaxtın Xətai rayonu, Afiyəddin Cəlilov küçəsində dövlət xadiminin adı səhv yazılıb. Belə ki, 2 ünvan lövhələrinin birində “Afiyəddin” yerinə “Afyəddin”, digərində isə “Cəlilov” əvəzinə “Celilov” yazılıb. Bu səhvlər uzun müddətdir belə də qalıb və heç kim onları düzəltmir.
Xətai rayon İcra Hakimiyyətindən məsələ ilə bağlı bildiriblər ki, adsız küçələri adlandırmaq, köhnəlmiş lövhələri təzələmək, eləcə də səhvləri düzəltmək üçün artıq müvafiq layihəyə start verilib. Yaxın zamanda müvafiq addımlar atılacaq.
