Paytaxtın Xətai rayonu, 8 Noyabr prospektində kanalizasiya qapaqlarını oğurlayıblar. Bu haqda bu gün, 1 noyabr tarixində Bakuplus.az Caliber.az-a istinadən xəbər verir.
Naməlum şəxslər prospekt boyu avtomobil yolunda quraşdırılan yağış barmaqlıqlarını oğurlayıblar. Nəticədə Bakının ən sıx prospektlərindən birində avtomobillər üçün ciddi təhlükə yaranıb.
Məsələ ilə bağlı Avtomobil Yolları Dövlət Agentliyinin mətbuat katibi Anar Nəcəfli bildirib ki, bu tip hallar tez-tez baş verir və əksər hallarda günahkarları tapılır. Ötən il sözügedən prospektdə 97 barmaqlıq oğurlanmışdır. Onlardan cəmi 19-nu geri qaytarmaq mümkün olmuşdur.
Hazırda faktla bağlı araşdırma aparılır.
Daha öncə, 1 noyabr tarixində paytaxtın Yasamal rayonu, Akim Abbasov küçəsində yağış qapaqları itmişdir.
[caption id="attachment_77326" align="alignnone" width="640"]
Foto caliber.az saytı[/caption]
