Bakı Oksford Məktəbinin şagirdi Ayla Əliyeva dünyanın ən nüfuzlu 3 universitetinin bakalavr pilləsinə qəbul olub. Bu haqda bu gün, 1 aprel tarixində Report məlumat verib.
Onun ABŞ-nin Harvard, Kolumbiya və Braun universitetlərinə etdiyi müraciətlərə müsbət cavab verilib.
Ayla Əliyeva SAT (Scholastic Aptitude Test) imtahanı üzrə 1550, (İELTS İnternational English Language Testing System) üzrə 8,5 bal toplayıb.
O, Harvard Universitetində təhsil almağı seçib.
Hər üç təhsil ocağı “Ivy League”a daxil olan dünyanın ən nüfuzlu 8 universitetinin siyahısındadır.
Əliyevanın qardaşı İlham Əliyev də İnşaat mühəndisliyi və ümumi mühəndislik ixtisası (Civil engineering and general engineering) üzrə Texas, Vircinia və ABŞ-nin bir neçə nüfuzlu universitetinə qəbul təklifi alıb.
