Paytaxtın parklarında və bağlarında kommunal xidmətlər tərəfindən təmizlik-dezinfeksiya işləri aparılır. Bu haqda bu gün, 1 avqust tarixində Bakuplus.az Bakı Şəhər İcra Hakimiyyətinə istinadən məlumat verir.
Parklarda mövcud olan qurğular dezinfeksiya edilir, cücü və həşəratlara qarşı dərmanlanır, skamya və oturacaqlar yuyulur və digər təmizlik işləri həyata keçirilir. Ərazilərdə olan zibil konteynerləri də təmizlənərək dezinfeksiya edilir.
Parklardakı ağacların dibi yumşaldılır, həmişəyaşıl ağaclar yuyulur. Eyni zamanda yaşıllıq zolaqları və parklarda qazon örtüyünə daimi qulluq göstərilir.
